後巷的小綠洲 2014年8月14

昨晚,與友人到旺角逛街,晚餐時想到女人街的巷仔類隨意挑選一間,步行途中,忽然看見有一間鐵板燒店,店內客人不多,但看見餐牌上一個晚市套餐有7碟菜,另有飲料及甜品,便入內品嘗。頭彩是沙律,醬汁酸酸甜甜十分開胃。接下來是三文魚刺身,頗為新鮮,沒有腥味。接下來是主菜,有一份鐵板燒牛肉,牛油炒雜菜,煎帶子、燒翠玉瓜和炒飯一客。整碟主菜佈置有心思,火口十足,調味恰到好處,既入味又不會搶去食材本身的味道。甜品是一客牛奶布甸,牛奶味頗重,上面亦有一浸焦糖糖漿。整套晚餐一人大約一百元,可謂價廉物美。


味道4 環境5 服務4 衛生4 抵食4




火喉掌握得很好,看師傅行雲流水般的表演似的~~ 2014年7月14日

昨日和男友補祝生日, 由於平日都很早食晚餐
我1800就已經到了, 剛好能坐在吧枱旁~~
點了鮑魚餐528+10%服務費, 飲品另計~~價錢是頗貴的
一開始上了三文魚魚生很新鮮~~
其後是有麵鼓湯和沙拉
然後是燒茄子, 蘑菇和魚~魚很肥美, 燒得剛好~入口很嫩滑>0<
再有牛肉卷蔥蒜~~食了滿口蔥蒜香~~
其間看到師傅在為牛扒撰酒~~幾乎整個鐵板都是火~~WOW~~
然後有我們點的鮑魚(還是生的), 看著師傅在我們面對燒好再食~~火氣十足且很爽口~~
後面炒飯不錯, 但我已經很飽了T.T
最後還有炒野菜, 這個炒得很好~但我食不下了~~
還有甜品呢~~


味道5 環境5 服務5 衛生5 抵食4




美味的大蝦 2012年10月13日

同朋友行完街肚餓最後簡左呢間野我地叫左個鐵板大蝦套餐(二人前)

一開始好快黎左個沙律: 普普通通...但幾開胃

跟住刺身: 幾有鮮味

到主菜...老虎大蝦剩係聽個名都想食. 夠大隻又好味尤其係啲蝦膏
好滋味搞到我好想食埋朋友個份

肉眼扒: 師傅切到細細件..幾好易入口肉質又軟

三文魚扒: 厚身...味道唔錯D皮整到脆脆地...岩我呢D後生仔

之後炒飯炒菜份量幾多....味道一般

甜品雪糕比較快融要快D食

成餐都食得好飽



味道5 環境3 服務3 衛生3 抵食4





上野鐵板燒 2012年8月14日

上網看到食評好像不錯的樣子,於是心郁郁跟朋友去食,順道當生日飯=]
去到舖頭,看到餐牌後,除了他們的一人前外,其他的餐的價錢跟普通的鐵板燒店差不多(即是挺貴XD)
最後還是選一人前+巴西牛仔骨好了(雖然是2人share)。
雜菜沙律:普普通通,不過作為開胃菜也ok
三文魚壽司:他這次給三文魚的部分不太好,普通。
鐵板帶子+肥牛薄燒+炒雜菜:帶子很好吃,不過肥牛薄燒更加更加好吃,獲得一致好評(我跟朋友2人=])
炒飯:很好吃,而且廚師炒飯時我們也看得很賞心悅目.(不知道是否錯覺,他好像多送一碗給我們)
巴西牛仔骨:很香,很軟,好好吃!!
水蜜桃梳打:意外驚喜,不像其他很假的水果味,跟梳打很配。
最後有甜品紅豆雪糕。

環境不錯,有bar檯跟餐檯,bar檯油煙雖大,不過看廚師炒菜時真的很好看,推介!!



味道4 環境4 服務4 衛生4 抵食4





估佢唔到, 好驚喜 2012年7月12日

一連兩日都係食鐵板, 之前係尖沙咀果間, 名就唔開, 麻麻地, 有少少陰影。

但今日成班朋友都話想食, 雖然諗起都無胃口, 但都係去左。

黎喱間係因為有個朋友同屋企人食過, 推介, 見近近地所以就黎左。

可能我地六點幾就去到, 個場好空, 無咩人。我心諗, 今次又中伏啦!

我叫左個推介既特價晚餐, 因為反正都覺得中伏就想叫個平D。

點知, 一切都出乎意料之外, 喱一餐, 竟然係我其中一個食過最好尾既鐵板燒tongue。

先講沙律, 個沙律俾我既感覺好特別, 酸酸地好醒胃mad, 個汁係出面未試過,

係有創意既, 但當時既我都仲未說服到自己, 只係覺得暴風雨既前席往往係平靜。

之後係三文魚壽司, 普通, 無話特別新鮮但又未至於係迴轉壽司既程度, 舊飯FEEL到係熟手師傅挰既。

帶子, 88蚊既鐵板燒有帶子的確係底, 帶子食得出係鮮甜, 「中伏說」已經完全瓦解。

主菜, 肥牛薄燒, 明明係鐵板燒, 但肥牛絕對唔會太硬亦食唔出UN,
好香牛味, 煙燻味令成塊牛成級, 有應有既鐵板燒水準, 應該係用高級肥牛(好似係)。
平時唔係太鍾意太菜既我都覺得碟菜香口, 忍唔住夾埋朋友果碟。

炒飯, 香口, 而且炒出黎係一粒粒, 係茶記既無得比。
師傅好好人亦好好傾, 見我幾個朋友係男仔, 炒多左一碗俾佢地分。

最後甜品雞蛋布丁普普通通, 不過不失啦不過女仔黎講有D過甜。

侍應倒茶足, 收銀仲同我地有傾有講, 個呀姨好鬼風趣。

同師傅傾多兩句佢仲問我地食唔食雪糕, 總之成個過程係歡樂既,
可能亦都係因為一班好耐無見既朋友聚頭, 令喱餐飯加左唔少分。

總而言之, 喱間真係好過平時屋企人帶我去尖沙咀食既高級鐵板燒好多,
而且又唔需要等位, 師傅又親民, 感覺好好, 我會再來幫趁。相遲D UP上黎。



味道5 環境3 服務5 衛生4 抵食3




值得一食的 2011年11月24日

因為自己同媽咪未試過食鐵板燒的lol同媽咪又好小出去9龍哩邊搵野食
咁有次哥哥同女朋友經過又見佢地話冇味精咪入去試下..
番泥講番比我地聽話唔錯真係幾好食
SO第2日就同左我AND媽咪去食啦....
位都座得幾舒服smile唔洗等位啊...因為哥哥本身已經打左電話去訂位
侍應服務都可以啊好NIce同佢地都有傾有講咁啦
d師博既技術同刀工都好好...下下都問我同屋企人個味岩唔岩.洗唔洗淡d同濃味
叫左個龍蝦套餐...同另外叫左包魚同1塊神戶牛

鵝肝(好好味價錢唔貴好低食~係出面用佢依個價錢好難食到

金黃龍蝦:個汁師博整得好好味...唔係太溜..岩岩好.正

煙肉炒飯:睇住師博炒以為會好濕啦(因為都見佢落左好多蛋)...但點知佢炒得好乾.好味

勝子皇:真係好鮮甜.個味都岩岩好

鰻魚:叫鰻魚果陣個師博講明話要內d...咁我地都等..好有驚喜啊!個皮勁好味smile都好新鮮:)值得一試啊真係
同屋企人已去過幾次



味道5 環境4 服務5 衛生5 抵食5




好有驚喜~ 好好食~ 2011年9月11


同男友唔知食乜好, 見有個SET$88 蚊, 就去食~

雖然有一兩碟唔好食, 但其他真係無諗過咁好食!!!

沙律- 旺角的上野鐵板燒專門店 沙律
呢個沙律真係幾難食, 因為好辣, 又有D酸, D 菜好普通...

三文魚SUSHI - 旺角的上野鐵板燒專門店三文魚SUSHI
呢個三文魚SUSHI 就好普通, 三文魚唔係太新鮮, 飯又易散, 我覺得惠康SUSHI好食得多~

肥牛金菇卷- 旺角的上野鐵板燒專門店 肥牛金菇卷
我坐係STOVE 前, 望住師父整, 聞住香味, 食慾大增~

肥牛金菇卷好好味, 肥牛好滑, 有肉汁, 加埋金菇真係無敵!!!

燒翠玉瓜、燒帆立貝、GARLIC燒牛肉- 旺角的上野鐵板燒專門店 燒翠玉瓜、燒帆立貝、GARLIC燒牛肉

呢三樣真係超好食~ lol 三樣燒出黎一D都唔乾, 肉汁鮮甜, 又大大粒~ 正!!!

日式炒雜菜- 旺角的上野鐵板燒專門店日式炒雜菜
OK, 款式多, 不過多咗少少油~

煙肉炒飯- 旺角的上野鐵板燒專門店煙肉炒飯
呢個飯OK, 好香, 不過略嫌D餸少咗少少, 同埋乾咗少少, 有D失準呢...

雞蛋布丁- 旺角的上野鐵板燒專門店 雞蛋布丁
真係無諗過燒烤店既甜品咁好食!! 個布丁雖然少咗少少, 不過超滑~ 雞蛋味濃郁~ 正正正!!!



味道5 環境4 服務3 衛生3 抵食4






活鮑魚笑臉2011年4月1日

今次係我第二次專登帶埋呀媽嚟食,因為上次食個虎蝦餐好好味,所以今次想試佢嘅活鮑魚,見到有個虎蝦神戶薄牛片特價咗少少,忍唔住叫咗哩個2人餐再加隻細 活鮑魚,活鮑魚好鮮甜唔錯,不過都幾貴一隻$138,今次個虎蝦廚師整得好好味啊!多咗個汁:蛋、芝士、蝦膏,淋上d蝦肉度超好味啊!個虎蝦真係好正好大 隻仲大過我隻手掌呀!跟住個神戶薄牛片都唔錯,不過都幾"溜"有成6塊咁多架!其實廚師哥都加咗塊香葉係入面清d等無咁"溜"架啦!好彩廚師哥最後果2塊 隔咗一陣比我哋抖抖先上啫!個炒飯又好香,銀雪魚整得唔腥都ok,至於鵝肝....我無食比埋呀媽食,佢話都好好味唔錯~~最後食埋個清清地嘅雜菜飽到超 滿足,甜品呀媽食雞蛋布丁,佢話好滑好香~~正~~至於我就揀咗紅豆雪榚食,太少啦一個球~~好味.....唔係好夠喉~~哈哈,下次一定要去食埋個魷魚 筒,側邊果幾個人客話好好味......可惜我哋太飽食唔落嚕!



評分: 味道 5 環境 4 服務 4 衛生 4 抵食 3







GOOD GOOD GOOD
2011-01-21
星期六行經旺角女人街見到有鐵板燒店睇吓個 MENU
D 價錢唔貴所以就試吓...

我同因男朋友兩個叫咗個 "大蝦餐" $ 488-

我地坐起吧枱對住我師傅炒...當我見到我地個餐起櫥房去到'我面前真呆一呆...
因為 $ 488 嘅餐竟然有兩隻大過手掌嘅蝦 >0< 令我期待!

沙律



大蝦彈牙爽口

龍利柳金黃香脆

安格C牛柳好嫩~
當時師傅會問幾熟我地比師傅話事佢話最好...
我起地當然信啦! 真係 GOOD 呀
師傅煮牛柳時仲會玩火...好勁呀

勁香口嘅煙肉炒飯~師傅又嚟個拋蛋

炒雜菜

甜品

總括我同男朋友都好滿意, 份量夠, 價錢底, 地點方便...
起第二度食過二人餐要 $ 888-仲要得一隻好細嘅蝦...

我聽晚會同媽咪再去...HEE



評分: 味道 4 環境 3 服務 3 衛生 3 抵食 4






一行四人,朋友推薦來這裹食鐵板燒,估唔到食物質素不俗,燒牛肉會點火很開心,個人特別喜歡食大蝦及鵝肝,師傅做得很細心,服務唔錯,見到啲侍應有同其它客人都有講有笑,會再來試
推介美食: 大蝦,鵝肝,牛肉





睇表演的一餐 2010111日
正在苦惱緊晚餐食乜之際,遇到個店員極力推介鐵板套餐,而且又唔洗等位,於是就試一試啦。我哋坐係吧枱,所以完全可以見到晒師傳的表演。

我地點咗個套餐,計埋湯同前菜總共有8個菜,當中鐵板有脆肉瓜+鮮冬菇、半殼鮮帶子'、魷魚筒、蒜香牛柳及炒雜菜鳥冬。其實D材料都算幾新鮮,帶子非常鮮甜,魷魚筒亦很爽口,而最意想不到的是

鐵板蒜香牛柳,肉質嫩滑,一D都"UN",原來鐵板可以保留牛柳D肉汁,正!

之後仲有個雜菜炒烏冬,一般冇乜特別,但賣相幾好,都算OK!
食完後我哋都覺得好滿足,其實個套餐份量都算幾多,不過我地最欣賞的是師傳的表演,吃鐵板餐不只是味覺,還有視覺享受。


服務方面,店員都算幾醒目,每吃完一道菜才上下一道,D師傳又會同你傾下計,見到其他客人都是笑住走的,幾好!

評分: 味道 5 環境 4 服務 5 衛生 4 抵食 5



旺角鐵板燒 201099 日

今年阿囡生日正正係母親節, 一早訂定位坐第一張bar檯, 原因係位師傅好健談。


當日晚餐係龍蝦(兩位用要$1098), 太太唔想食龍蝦, 於是要set虎蝦餐(3人份量)+一板海膽+一隻北海遁帶子。而套餐就包括有沙律, 3點刺身, 虎蝦, 廣島蠔, 雞扒, 安格司肥牛, 炒野菜及妙飯。

簡評 :
食物味道和服務都ok, 份量足(食剩d妙飯)
由於坐近門口, 環境就嘈d, 價錢就比尖沙咀等地平, 算是低食。

評分: 味道 4 環境 3 服務 4 衛生 3 抵食 5





食過番尋味.不妨一試
2010-08-15
依間野d野食都唔錯.由其係果d大蝦.好彈牙 幾岩我口味

服務質素就一般般啦..d侍應都幾有禮貌

環境幾好啦.其他鐵板燒都好好味..價錢一般.

抵食又幾抵食既.大家不防一試

推介美食: 大蝦


堂食等位時間: 5 分鐘

評分: 味道 4 環境 5 服務 4 衛生 4 抵食 3



保持水準 2010-03-19
前幾日再去上野食鐵板燒,點知無位,侍應姐姐話街尾開咗新舖,可以安排吧枱俾我地坐,於是我地一行四人就去試試。

今次我地叫咗一個神戶和牛餐再加一個鮑魚餐,另外仲order咗兩隻聖子皇同活赤貝刺身(,因為見隔離枱食緊望落去好新鮮,所以試下),師傅推介我地和牛餐薄燒轉厚燒,話抵食d,我地梗係要試吓喇。

沙律:0K

刺身:很新鲜“正”,尤其活赤貝好鮮甜,

鮑魚:見師傅將兩隻活生生的鮑魚放在鐵板上,兩隻鮑魚仲“郁吓郁吓”,已經令我地想即刻放

佢落肚

大蝦:我的至愛出場喇,今次隻蝦仲大隻過上次,而且嗰煮法亦唔同,今次嗰煮法係師傅將蝦膏+ 芝士+蛋黄一齊煮,d蝦依然好爽好彈牙,d“黄金”又香,(真係有驚喜)

鵝肝銀雪魚 K,鵝肝很香


主角出場(神戶和牛):和牛好大塊,見師傅手起刀落,已將和牛放係我地隻碟度,入口即溶嗰種感 覺“正”,好香又唔“漏”

炒飯:維持一貫水準


甜品:今次都係食又香又滑的布甸

因為今次坐吧枱,嗰氣氛好好,個師傅會同我地傾偈, ,仲會問我地d食物口味兼且會因應我地的進食進度而上菜,而新舖的空間感大d坐得舒服d

每次嚟都食到很飽才走,要下次嚟才可試其他嘢

推介美食: 黃金大蝦,神戶和牛

評分: 味道 4 環境 4 服務 4 衛生 4 抵食 4

日本食店出身的主廚為你烹調多款鐵板燒菜式,
熟練的技術及食物的美味必能讓你讚嘆







睇表演的一餐 2010年11月1日

正在苦惱緊晚餐食乜之際,遇到個店員極力推介鐵板套餐,而且又唔洗等位,於是就試一試啦。我哋坐係吧枱,所以完全可以見到晒師傳的表演。

我地點咗個套餐,計埋湯同前菜總共有8個菜,當中鐵板有脆肉瓜+鮮冬菇、半殼鮮帶子'、魷魚筒、蒜香牛柳及炒雜菜鳥冬。其實D材料都算幾新鮮,帶子非常鮮甜,魷魚筒亦很爽口,而最意想不到的是

鐵板蒜香牛柳,肉質嫩滑,一D都"UN",原來鐵板可以保留牛柳D肉汁,正!

之後仲有個雜菜炒烏冬,一般冇乜特別,但賣相幾好,都算OK!
食完後我哋都覺得好滿足,其實個套餐份量都算幾多,不過我地最欣賞的是師傳的表演,吃鐵板餐不只是味覺,還有視覺享受。

服務方面,店員都算幾醒目,每吃完一道菜才上下一道,D師傳又會同你傾下計,見到其他客人都是笑住走的,幾好!


評分: 味道 5 環境 4 服務 5 衛生 4 抵食 5